القائمة الرئيسية

الصفحات

رسالة من مجهول ! - قصص قصيرة

قصة رسالة من مجهول !


قصص قصيرة


قصص قصيرة، قصص رعب، روايات

 قصص قصيرة
من حوالي شهر شوفنا بنت معانا في الجامعه
كانت متفوقه جداً وملتزمه وملهاش إصحاب إسمها آيه حاولنا نقرب منها أنا وإصحابي لكنها رفضت ده بحجه إنها مبتحبش جو الصحوبيه وبتفضل الإنطوائيه وكده الحقيقه ماحدش من اصحابي اقتنع بالمبررات بتاعتها فإتفقت أنا وإصحابي إننا نديها درس تفتكره دايماً

جينا في يوم بعد نهاية المحاضرات
وإحنا ماشيين بنبص لقينا آيه ماشيه لوحدها قدامنا ومكانش في أي شخص في المكان ده غيري انا واصحابي سرعنا خطوتنا وإتجهنا ناحيتها وحاولنا نكلمها لكنها رفضت كان في شبكه صرف صحي بيركبوها قبل الجامعه وكان في حفرة كبيرة
بدون سابق إنذار لقيت إسراء صاحبتي دفعت آيه بكل قوتها في الحفرة كنت في حاله صدمه لما شوفت آيه وقعت في الحفرة وبتصرخ

اتعصبت علي إسراء قلت لها إيه إللي عملتيه ده يامجنونه هتودينا في داهيه قربت من الحفرة ببطء صرخت من المشهد اللي شوفته
لقيت آيه في بركه من الدماء ورقبتها تقريبا إتكسرت

قلت لاصحابي ياله نمشي بسرعه قبل ماحد يشوفنا تقريباً آيه ماتت جرينا بسرعه و وقفنا تاكسي وركبنا فيه ومشينا لما رجعت البيت كنت خايفه من إللي حصل ومعرفتش أنام ليلتها وفضلت طول الليل خايفه ومرعوبه جداً

تاني يوم رُحت الجامعه أنا وإصحابي
عرفنا ان الشرطه وصلت لموقع الحادث وطلعوا جثة آيه وبدأوا يحققوا في القضيه لكن سبب موتها كان لغز وكان في احتمالين الاول :-
إنها وقعت في الصرف الصحي غصب عنها
والاحتمال التاني والأكيد إن في شخص رماها لكنه مجهول عند الجميع معلوم بالنسبه ليا انا واصحابي
بصراحه أنا زعلت جدا بسبب اللي حصل لـ آيه
وزعلت من إصحابي كمان بدأت أقلل كلامي معاهم خاصه إسراء لإنها هي السبب في موت آيه
مكملتش محاضراتي ومشيت لإني كنت تعبانة جداً

بالليل لقيت تليفون من سمر وهي بتعيط ومنهارة
قلت لها في إيه يا سمر ؟
قالتلي إسراء ماتت
الخبر نزل عليا كالصاعقه مكنتش مصدقه
قلت لها ماتت إزاي ؟

قالتلي خرحت بالليل تشتري حاجه وهي راجعه وقعت في حفرة بتاعت صرف صحي قبل بيتها بشارعين رقبتها إتكسرت وماتت
لبست هدومي وروحت عزيت في إسراء صاحبتي
تاني يوم مروحتش الجامعه وعقلي كان عمال يودي ويجيب ربطت موت إسراء بإن شبح آيه إنتقم لها
والغريبه ان موتة إسراء نفس موت آيه
اثناء تفكيري جالي تليفون من سمر
بتقولي فيه في حاجه غريبه بتحصل
قلت لها في إيه ؟

قالتلي جاتلي رساله غريبه مكتوب فيها
" تم الإنتقام من إسراء
لم يتبقي سوا أنتي وياسمين المرسل آيه "

الخوف بدأ يزيد جوايا قلت لـ سمر
مستحيل تكون آيه هي اللي بعتت الرساله دي لاني امبارح كنت بزور قبرها انا وكام بنت من دفعتي يبقي ازاي هي اللي بعتت الرساله خرجت من قبرها وبعتتها يعني اكيد في شخص عارف اننا السبب في موت آيه وبيحاول يشتت اعصابنا
قالتلي مش عارفه بقي يا ياسمين
أنا بموت والله من الرعب والخوف

قلت لها خير إن شاء الله متقلقيش وقفلت معاها
بقيت خايفه أوي علي سمر وخايفه عليا الموت بيقرب مننا معرفش إذا كانت آيه مماتش وبتنتقم مننا ولا ايه بالظبط خدت حبايه مهدئ ونمت صحيت بعد العصر بساعه علي صوت ماما وهي بتصحيني وبتعيط
قومت من نومي مفزوعه قلت لها في ايه يا ماما ؟
قالتلي سمر صاحبتك ماتت في الحمام
لقوها غرقانه في البانيو ورقبتها مكسورة

بدأت أعيط أوي وإنهارت
وقلت لها ماما أنا خايفه مش عايزه أموت
ماما حاولت تعرف مني في إيه خوفت أحكيلها

بدأت أعيط أكتر وجسمي بدأ يترعش ومش عارفه إذا كان ده حلم ولا حقيقه جالي فضول غريب اني لازم اروح القبر اللي آيه مدفونه فيه علشان اطلب منها تسامحني هو تفكير واعتقاد خاطئ لكن مكنتش في مدركه اللي بعمله الحقيقه نزلت من البيت و روحت المقابر كانت في قرية بعد قريتي بحوالي ربع ساعه

بدأت امشي بين القبور وانا بترعش واول لما وقفت قصاد قبر آيه عيطت وانهارت تماما قلت لها سامحيني احنا السبب في موتك لكن انا معملتش اي حاجه

" سمر و إسراء "
تم الإنتقام منهم لم يتبقي سوا أنتي
بلعت ريقي بالعافيه وحسيت اني جسمي اتشل
بعد ما سمعت الجمله دي
حركت رأسي للخلف ببطء شديد

"لقيت آيه واقفه ورايا "


قد يعجبك ايضا..
لغز الدوائر الحمراء
- قصة المرايا
- البيت المسكون
- خيانة زوجة السلطان


reaction:

تعليقات

تعليق واحد
إرسال تعليق

إرسال تعليق